رۆحی یانەی نیس لەدەست بالۆتێلییە
رووداو – هەولێر
یانەی نیس جارێکی دیکە سەرکەوتنی بەدەستهینا و سەرکەوتنی ئەمجارەشی بەسەرکردایەتی ماریۆ بالۆتیلی بوو.
لە گەڕی شەشەمی خولی فەرەنسیدا، یانەی نیس لەسەر یاریگای دی لا رۆت، بووە میوانی یانەی رین و یارییەکەی بە گۆڵێکی بێوەڵام لێبردەوە.
گێمی یەکەمی یارییەکە بەبێ گۆڵ لەنێوان هەردوو یانەدا کۆتاییهات، لە گێمی دووەمدا و 10 خولەک پێشکۆتاییهاتنی یارییەکە، ماریۆ بالۆتێلی فریای یانەکەی کەوت و تاکە گۆڵی بردنەوەی یارییەکەی تۆمارکرد و سی خاڵی گرنگی بەخشیە یانەکەی.