رووداو - هەولێر
یاریزانانی یانەی ئەیاکس ئەمستردام لەگەڵ نازناوی خولی هۆڵەندا لە ئەمستردام لەگەڵ هاندەرانی یانەکەیان ئاهەنگیانگێڕا.
ئەیاکس لە دوایین گەڕی خولی هۆڵەندا نازناوی خولی هۆڵەندای لەبەرژەوەندی خۆی یەکلاکردەوە و بۆ جاری 34مین لەمێژوویدا نازناوی خولی هۆڵەندای بەدەستهێنا، ئەمە جگە لەوەی سەرەتای ئەم مانگە نازناوی جامی هۆڵەنداشی بەدەستهێنابوو.
یاریزانان و دەستەی کارگێڕی یانەکە لە نێو پاسی یانەکەدا نازناوی خولەکەیان نمایشکرد و بە نێو شەقامەکانی ئەمستردام لەگەڵ هاندەرانی یانەکەیان ئاهەنگیانگێڕا.
ئەیاکس ئەمساڵ بە وەرزێکی نموونەییدا تێپەڕی سەرەڕای بەدەستهێنانی نازناوی جام و خول، یانەکە لە چامپیۆنزلیگیش چەندین یانەی گەورەی تووشی شکستکرد و خۆشی گەیشتە قۆناخی پێشکۆتایی خولەکە.
هەر لە کاتی نمایشکردنی نازناوی خولی هۆڵەندا چەند هاندەرێک ئاماژەیان بە ئاستبەرزی یانەکەیاندا و دەیانگوت لە چەند ساڵی داهاتوودا ئەیاکس دەبێتە یەکێک لە باشترین یانەکانی ئەوروپا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ