ڤیدیۆ؛ چاڤی دوو قسەی ئێنریکی رەتدەکاتەوە

 

دوای ئەوەی پاریس سانجێرمان لە یاریی گەڕانەوەی قۆناخی هەشتەمی چامپیۆنزلیگدا، ریمۆنتادای بەسەر بارسێلۆنادا کرد، چاڤی لە کۆنگرەی رۆژنامەڤانی دوای یارییەکەدا، وەڵامی پرسیاری رۆژنامەڤانانی سەربارەت بە دوو لێدوانی لویس ئێنریکیی راهێنەری پاریس سانجێرمان دایەوە، کە بەر لە یارییەکە دەربارەی چاڤی قسەی کردبوو.

 

 

 

وەڵامی من نەخێرە بۆ هەردووکیان ئەمە، وەڵامێکی زۆر ئاسانە. لە کۆمێنتی یەکەمدا من بەتەواوی لەگەڵ بۆچوونەکەیدا نیم، ئێمە بە دوو گۆڵ لەپێشەوە بووین لە کۆی دوو یارییەکەدا و هەرجارێک دەگەیشتینە بەرگرییان ئێمە بەتەواوی مەترسیمان دەخستە سەریان. لە دوو یارییەکەدا پێموایە ئێمە زۆر باش بووین. راستە فابیان رۆیز ئاستێکی باشی پێشکێشی دەکرد، بەڵام بە بۆچوونی من ئەو لەژێر کۆنترۆڵی خۆماندا بوو، یارییەکە لەژێر کۆنتڕۆڵدا بوو، چ لە هێرشبردن یان بەرگری و لە هەموو کاتەکانی یارییەکەدا، پاشان کارتی سوور هەموو شتێکی گۆڕی. سەبارەت بە قسەکەی کە دەڵێت: دەبێت ساڵانێکی دیکە کاربکەم، بۆیە وەڵامەکە نەخێرە.

 

ئێمە بەبەخت نەبووین لە بڕیارەکانی ناوبژیوانی، تۆ بەتەواوی راست دەکەیت، کارتە سوورەکە هەموو شتێکی گۆڕی. هەموو بڕیارەکانی ناوبژیوان دژی ئێمە بوون. هەموویان. مەبەستم هەموویانە. ناتوانم روونکردنەوەیەک بۆ ئەوە بدۆزمەوە. بەڵام راستە هەموو شتێک پێچەوانە بوو، ئەمە راستییەکەیە، ئەگەر بتەوێت بزانیت راستییەکە ئەمەیە.

 

چەندینجار گوتوومە کە ئێمە تیپێکین لە قۆناخی بنیاتناندا، ئێمە شتێک دروست دەکەین کە نایاب و بەرهەمدار دەبێت، بیهێنە بەرچاوت کە تیپەکە چی بەدەستدەهێنێت کاتێک دروستکردنەکەی تەواو دەبێت، پێموایە ئێمە کارێکی زۆر باشمان کرد، ئێمە یارییەکی باشمان کرد. یاریی گەورەمان لە چامپیۆنزلیگدا کرد. ئێمە بەرامبەر گەورەترین تیپەکان یاریمان کرد، پۆرتۆ، ناپۆلی و پاریس سانجێرمان، کە هەموویان باشتر بووین. بەڵام ئەو جۆرە بڕیارانە دەدرێن، یان بارودۆخەکان لەژێر کۆنترۆڵی ئێمەدا نین.