مولەر مولەری شکاند
رووداو - هەولێر
تۆماس مولەر هێرشبەری یانەی بایرن میونشنی ریکۆردێکی گێرد مۆلەری ئەستێرەی پێشووی هەڵبژاردەی ئەڵمانیای لە خولی یانە پاڵەوانەکانی ئەوروپا شکاند.
مولەر لە یارییەکەی بەرامبەر یوڤێنتۆس گۆڵی دووەمی بایرن میونشنی تۆمارکرد و ژمارەی گۆڵەکانی لە پاڵەوانیەتییەکەدا گەیاندە 35 گۆڵ و بە تەنیا گۆڵێک پێش گێرد مولەری ئەستێرەی پێشووی ئەڵمانیا کەوت و بووە گۆڵکاری ئەڵمانییەکان لە چامپیۆنزلیگدا.
لە یاری گەڕانەوەی خولی یانە پاڵەوانەکانی ئەوروپا بایرن میونشن بە چوار گۆڵ بەرامبەر دوو گۆڵ لە یوڤێنتۆسی بردەوە و گەیشتە قۆناخی هەشتەمی پاڵەوانیەتییەکە.