بۆکا جونیۆرز
رووداو دیجیتاڵ
یانەی بۆکا جونیۆرز، لە جامی خولی ئەرجەنتین تووشی سێیەم دۆڕان بوو، دوای ئەوەی لە قۆناخی چوارەمی پاڵەوانێتییەکەدا بووە میوانی دیفێنسا خوستيكا و 0-1 پییدۆڕا.
تاکە گۆڵی یارییەکە لە خولەکی دووەمی زیادکراوی نیوەی یەکەمدا، لەلایەن نیکۆلاس فێرناندێزەوە تۆمارکرا.
لە نیوەی دووەمدا هەموو هەوڵەکانی بۆکا بۆ یەکسانکردنەوەی ئەنجامی یارییەکە بێسوود بوون و بە دۆڕانی 3 خاڵی دیکە گەڕایەوە ماڵەوە.
بەم ئەنجامە ژمارەی خاڵەکانی دیفێنسا بوو بە 6 خاڵ و گەیشتە پلەی چوارەمی ریزبەندیی کۆمەڵەی دووەم، لەدوای هەریەک لە سارمێنتۆی سێیەم، رایسینگی دووەم و نیوێڵز ئۆڵد بۆیزی یەکەمەوە.
سەبارەت بە بۆکاش، تەنیا 3 خاڵی هەیە و پلەی 12ـی ریزبەندیی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ