ڤیدیۆ؛ لە پۆرتوگال سوپرایزەکە روویدا
رووداو دیجیتاڵ
یانەی چاڤێز ئەو سوپرایزەی لە خولی نایابی پۆرتوگال ئەنجامدا کە کەس بە هیوای نەبوو، و شکستی بە بێنفیکای پێشەنگ هێنا.
لە گەڕی 28ـی خولی نایابی پۆرتوگالدا، چاڤێز لەسەر یاریگەی خۆیدا میوانداری بێنفیکای کرد و بە ئەنجامی 1-0 لێیبردەوە.
دوای ئەوەی نیوەی یەکەم بەبێ گۆڵ کۆتاییهات، لە نیوەی دووەمیشدا ئەنجامەکە وەک خۆی مایەوە، تاوەکو و لە خولەکی 4ـی زیادکراودا، عیسا عەباسی یاریزانی غانی گۆڵی بردنەوەی بۆ چاڤێز تۆمارکرد و سوپرایزە گەورەکەی قەوماند.
سەرەڕای ئەم شکستە، بێنفیکا لە کۆی 28 یارییدا بە 71 خاڵ پێشەنگی خولەکەی پاراست، کە بە 4 خاڵ لە پێش نزیکترین رکابەریییەوەیە، کە پۆرتۆی خاوەنی 67 خاڵە.
ئەمە لە کاتێکدایە کە چاڤێز بە 36 خاڵ لە بیست و هەشت یاریدا پلەی دەیەمی ریزبەندییەکەی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ