رووداو دێجیتاڵ
یانەی بارسێلۆنا درێژەی بە سەرکەوتنەکانی دا، بەڵام ئەکێک لە کاریگەرترین یاریزانەکانی بەهۆی پێکانەوە لەدەستدا.
دانی ئۆلمۆ یاریزانی یانەی بارسێلۆنا لە یاریی بەرامبەر جیرۆنا تووشی پێکان بوو بۆ ماوەی 7 بۆ 10 رۆژ لە یاریگاکان دووردەکەوێتەوە.
بارسێلۆنا لە یاریی ئەمرۆ بەرامبەر جیرۆنا بە ئەنجامی چوار گۆڵ بەرامبەر گۆڵێک یارییەکەی بردەوە و یەکێک لە گۆڵەکان یاریزان دانی ئۆلمۆ تۆماری کرد، بەڵام لە نێوەراستی گێمی دووەم و لە خولەکی 60 یارییەکە تووشی پێکان بوو و لە شوێنی ئەو ئێریک گارسیا هاتە ناو یاریگا.
دانی ئۆلمۆ تاوەکو ئێستا یەکێکە لە ئاستبەرزترین یاریزانەکانی یانەکە و لەو کاتەوەی پەیوەندی بە یانەکەوە کردووە، لە سێ یارییدا بەشداری کردووە و سێ گۆڵیشی تۆمار کردووە.
ئۆلمۆ بە بڕی 60 ملیۆن یۆرۆ ئەم هاوینە لە یانەی لایپزیگەوە چووە یانەی بارسێلۆنا و یاریزانەکە تا ئێستا بووەتە جێگای رەزامەندی هانسی فلیکی راهێنەر.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ