مۆندیالی 2030 له كوێ ده‌كرێت؟
رووداو – هه‌ولێر
هه‌رسێ وڵاتی كۆڵۆمبیا، ئیكوادۆر و پیرۆ پلانی ئه‌وه داده‌نێن دۆسیه‌یه‌كی هاوبه‌ش پێشكه‌ش بكه‌ن، به مه‌به‌ستی میوانداریكردنی مۆندیالی 2030.
سه‌رۆكی كۆڵۆمبیا ئیڤان دۆكی رایگه‌یاند هه‌رسێ وڵاتی ئه‌ندێز، كه كۆڵۆمبیا، ئیكوادۆر و پیرۆن، نیازیان هه‌یه میوانداریی مۆندیالی 2030 بكه‌ن.
ئاماژه‌ی به‌وه‌شدا، ركابه‌ریكردن بۆ به‌ده‌ستهێنانی میوانداریكردنی مۆندیال ئاسان نییه، چونكه وڵاتانی دیكه‌ی به‌هێز ركابه‌رییان ده‌كه‌ن، به تایبه‌تی ئه‌وانه‌ی هێز و ژێرخانی پێشكه‌وتووی وه‌رزشییان هه‌یه.
سه‌رۆكی كۆڵۆمبیا ئاشكرایكرد، بیرۆكه‌ی میوانداریكردنی مۆندیالی 2030، بیرۆكه‌ی سه‌رۆكی ئیكوادۆر لینین مۆرینۆیه و دواتر هه‌رسێ سه‌رۆك رێككه‌وتوون، كه هه‌وڵه‌كانیان له پێناو كاره‌كه‌دا یه‌كبخه‌ن.
له مۆندیالی 2022 له قه‌ته‌ڕ، ناوی ئه‌و دۆسیه‌یه ئاشكراده‌كرێت، كه میوانداریی مۆندیالی 2030 ده‌كات، مۆندیالی 2026یش له‌لایه‌ن ئه‌مه‌ریكا، مه‌كسیك و كه‌نه‌دا به‌یه‌كه‌وه میوانداریی ده‌كرێت.