رووداو - هەولێر
یانەی بارسێلۆنای ئیسپانی رووبەڕووی یانەی بۆکا جونیۆرزی ئەرجەنتینی دەبێتەوە، لە جامی خوان گامبەردا.
یارییەکە کاژێر 19:15 لەسەر یاریگەی کامپ نۆو ئەنجامدەدرێت، بارسێلۆنا دوایین یاریی خۆی پێش دەستپێکردنی یارییەکانی وەرزی نوێی لالیگا ئەنجامدەدات، کە رۆژی هەینی رکابەرییەکانی دەستپێدەکات.
جامی خوان گامبەر لەساڵی 1966ـەوە هەموو ساڵێک ئەنجامدەدرێت، هەرساڵە و بارسێلۆنا میوانداری یانەیەک دەکات و یانەکە تاوەکو ئێستا 39 جار نازناوەکەی بردووەتەوە.
بەپێی زانیارییەکانی نزیک لە بارسێلۆنا یانە کەتەلۆنییەکە بەپێکهاتەی سەرەکی یارییدەکات، هەریەکە لە مێسی، سوارێز و کۆتینیۆش لەپێکهاتەی سەرەکیدا دەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ