لێدوانی یاریزانان.. ئەلبا و بۆنوچی بە هەڵبژاردەکانی یەکدی سەرسامن

 

خۆردی ئەلبا، یاریزانی هەڵبژاردەی ئیسپانیا و لیۆناردۆ بۆنوچی، یاریزانی هەڵبژاردەی ئیتاڵیا، لە کۆنگرەی رۆژنامەڤانی بەر لە یارییەکەدا قسەیان بۆ میدیاکاران کردووە سەبارەت بە یارییەکە، کە ئەمە پوختەی لێدوانەکانیانە:

 

 

 

دەتوانم چەند ئامۆژگاریەک بدەم بە یاریزانە گەنجەکان، بەڵام دەتوانم زۆر شتیشیان لێ فێربم، وەک خولیای ئەوان بۆ یاریکردن و ئەو پاڵنەرە بەهێزەی کە هەیانە. ئەوان زۆر باش دەزانن یاریکردن بەرامبەر ئیتاڵیا واتا چی، ئەوان بەرامبەر ئیتاڵیا لە ئاستی تەمەن خوار 21 و 19 ساڵان یارییان کردووە. ئیتاڵیای ئێستا تیپێکی جیاوازە لەوەی کە 2012 رووبەڕووی بوومەتەوە. بەڕاستی بەرامبەر تیپێکی باش یاری دەکەین. ئەوان پێشکەوتنی گەورەیان بەخۆیانەوە بینیوە. یاریزانەکانی حەزدەکەن لە ناوەڕاستی یاریگەدا کۆنترۆلی تۆپ بکەن. ئێمە هەوڵی خۆمان بەرامبەر ئیتاڵیا دەدەین، ئاسان نابێت، بەڵام دڵنیام شتەکان بە باشی ئەنجام دەدەین. لەوانەیە ببەینەوە یان بدۆڕێین، بەڵام گرنگ ئەوەیە بە چ ئاستێک دەردەکەوین.

 

 

هەمیشە کەمێک دڵەڕاوکێ دروست دەبێت کاتێک یاری بەرامبەر ئیسپانیا دەکەیت بەهۆی شێوازی یاریکردنیانەوە، هەمیشە کۆنترۆلی تۆپ دەکەن و ناچارت دەکەن بەدوای تۆپدا بگەڕێیت. لە ساڵانی رابردوودا شتێکی هاوشێوەی شێوازی یاریکردنی تۆپی پێی هەڵبژاردەی ئیسپانیامان بنیات ناوە و دەمانەوێت لەم یارییەدا سوودی لەوە وەربگرین بۆ ئەوەی یارمەتیدەرمان بێت لە بردنەوەی یاریی پێشکۆتایی.

 

ئێمە هەمیشە گرنگی بە سەرکەوتن دەدەین و گرنگی بە بردنەوەی جامەکان دەدەین. ئێمە دەمانەوێت بە جامەوە بگەڕێینەوە ئیتاڵیا، چونکە نەمانتوانی بگەینە مۆندیالی 2022.