رووداو - هەولێر
ئەمشەو یارییەکانی گەڕی 29ـی لالیگا دەستپێدەکەن، دوو یاریی بەڕێوەدەچن و سێڤییاش دەیەوێت جێگەی خۆی لە پلەی سێیەم بەهێزتر بکات.
کاژێر 20:30 دوای بردنەوەی لە ریال بێتیس لە دێربیی ئەندەلۆسدا، سێڤییا لە دەرەوەی یاریگەی خۆی بەرامبەر لیڤانتی یارییدەکات.
بەر لەم یارییە سێڤییا لە پلەی سێیەمە بە 50 خاڵ، لیڤانتی 34 خاڵی هەیە و پلەی دوازدەیەمی ریزبەندی خولەکەی گرتووە.
لە یارییەکی دیکەدا کە کاژێر 23:00 بەڕێوەدەچێت، یانەی ریال بێتیس لەسەر یاریگەی پینتۆ ڤیامارین، بەرامبەر گرانادا یارییدەکات و دەیەوێت قەرەبووی ئەو دۆڕانە بکاتەوە کە بەرامبەر سێڤییای هاوشاری تووشیبوو.
بێتیس بە 33 خاڵ لە پلەی سێزدەیەمە و گراناداش لە پلەی نۆیەم 41 خاڵی هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ