ئەیاکس بۆ جاری 34مین بووە پاڵەوان
رووداو - هەولێر
یانەی ئەیاکس لە دوایین گەڕی خولی هۆڵەندا سەرکەوتنی تۆمارکرد و نازناوی خولی هۆڵەندای بەدەستهێنا.
لە دوایین گەڕی خولی هۆڵەندیدا ئەیاکس بووە میوانی دی گراڤشاپ و یارییەکەی بە ئەنجامی چوار گۆڵ بەرامبەر بە گۆڵێک لێبردەوە.
لە گێمی یەکەمدا و لە خولەکی 37 لاس شۆنێ گۆڵی یەکەمی بۆ ئەیاکس تۆمارکرد، سێ خولەک دوای ئەم گۆڵە دی گراڤشاپ لە رێگەی یوسف جەبەلی ئەنجامەکەی راستکردەوە، دواتر لە خولەکی 44 نیکۆلاس تالیاڤیکۆ بۆ جاری دووەم تۆڕی یانەی خاوەن یاریگای هەژاند.
بەم بردنەوەیە ئەیاکس بووە پاڵەوانی خولی هۆڵەندا و بۆ جاری 34مین لە مێژوویدا نازناوەکەی بەرزکردەوە.