Photo by Michael Reaves / GETTY IMAGES NORTH AMERICA / AFP
رووداو دیجیتاڵ
46ـەمین ماراسۆنی شیکاگۆ، یەکێک لە گەورەترین ماراسۆنەکانی جیهان بەڕێوەچوو. روس چێپنگێتیشی کینی ریکۆردێکی مێژوویی تۆمارکرد و پلەی یەکەمی بەدەستهێنا.
لە ماراسۆنەکەدا 50 هەزار کەس بەشداربوون و کەشوهەوایەکی زۆر جیاواز و پڕ رکابەرییان پێشاندا.
دوای رکابەرییەکی زۆری بەشدارانی ماراسۆنەکە، روس بە دوو کاژێر و 9 خولەک و 56 چرکە پێش هەمووان گەیشتە خاڵی کۆتایی رکابەرییەکە و پلەی یەکەمی لە بەرژەوەندی خۆی یەکلاکردەوە.
راکەرە کینییەکە تەمەنی 30 ساڵە و ریکۆردی پێشووی تیگیست ئاسیفای ئەسیوبیی شکاند کە لە 2023 لە بەرلین تۆماریکردبوو و بە دوو کاژێر و 21 خولەک و 53 چرکە گەیشتە خاڵی کۆتایی.
لەسەر ئاستی پیاوان، جۆن کۆرێر، هەر لە کینیا پلەی یەکەمی بەدەستهێنا، دوای ئەوەی مەودای رکابەرییەکەی بە دوو کاژێر و دوو خولەک و 40 چرکە تەواوکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ