هه‌ڵبژارده‌ی عێراق یاریزانێكی گرنگی له ده‌ست دا
رووداو – هه‌ولێر
رۆژی دووشەممە عێراق و سعودیه له پاڵه‌وانیه‌تیی دۆستانه‌ی سوپه‌ر كلاسیكۆ به‌یه‌كده‌گه‌ن و هه‌ڵبژارده‌ی عێراق یاریزانێكی گرنگی به هۆی پێكانه‌وه له ده‌ست دا.
عێراق یاریی یه‌كه‌می به چوار گۆڵی بێ وه‌لام به ئه‌رجه‌نتین دۆڕاند و سعودیه‌ش به دوو گۆڵی بێ به‌رامبه‌ر به به‌رازیل دۆڕا.
دوایاریی عیراق و سعودیه، یارییه‌كی دۆستانه بوو له به‌سره كرا و عێراق به چوار گۆڵ یارییه‌كه‌ی برده‌وه.
لە راهێنانەکانی دوێنێ ئێواره‌دا سعد عەبدولئەمیر ناوەڕاستکاری هەڵبژاردەی عێراق تووشی پێکان بوو، بەمهۆیەوە بۆ ماوەی 45 رۆژ لە یاریگه‌کان دادەبڕێت.