ڤۆلفسبۆرگ
رووداو دیجیتاڵ
یانەی ڤۆلفسبۆرگ لە گەڕی یەکەمی جامی ئەڵمانیادا سەرکەوتنێکی گەورەی بەدەستهێنا و بە نیو دەرزەن گۆڵ بردییەوە.
ڤۆلفسبۆرگ بووە میوانی یانەی ماکابی بەرلین و بە ئەنجامی شەش گۆڵی بێبەرامبەر لێیبردەوە.
لوکاس نمیشا تەنیا 8 خولەکی پێویست بوو بۆ ئەوەی گۆڵی پێشکەوتن بۆ یانەی میوان تۆمار بکات
جۆناس وید دوای تەنیا خولەکێک سوودی لە هەڵەیەکی گۆڵپارێزی ماکابی بەرلین وەرگرت و گۆڵی دووەمی بۆ ڤۆلفسبۆرگ تۆمارکرد، کە نیوەی یەکەم بە دوو گۆڵی بێبەرامبەر لە بەرژەوەندی ڤۆلفسبۆرگ تەواو بوو.
لە نیوەی دووەمدا یانەی میوان 4 گۆڵی دیکەی تۆمارکرد، لە رێگەی تياگۆ تۆماس دوو گۆڵ و یانیک گیرهاردت و ریدل باکۆیەوە یەکەو گۆڵێک.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ