رووداو دیجیتاڵ
یانەی بۆرووسیا دۆرتموند بە ئەنجامێکی گەورە لە یانەی لایپزیگی بردەوە و نازناوی جامی ئەڵمانیای بەدەستهێنا.
لە یاری کۆتایی جامی ئەڵمانیادا بۆرووسیا دۆرتموند لەگەڵ لایپزیگ یاریکرد و یارییەکەشی بە ئەنجامی چوار گۆڵ بەرامبەر بە گۆڵێک لێبردەوە.
پێنج خولەک بەسەر یارییەکەدا تێپەڕی و جادۆن سانچۆ گۆڵی یەکەمی بۆ بۆرووسیا دۆرتموند تۆمارکرد، دواتر لە خولەکی 28دا ئێرلینگ هالاند گۆڵی دووەمیشی بۆ زەردەواڵەکان تۆمارکرد و پێشکۆتاییهاتنی ئەم گێمەش جادۆن سانچۆ ئەنجامەکەی کردە سێ گۆڵی بێوەڵام.
لە گێمی دووەمدا و لە خولەکی 71دا دانی ئۆڵمۆ تاکە گۆڵەکەی لایپزیگی تۆمارکرد، دواتر لە خولەکی 87دا ئێرلینگ هالاند گۆڵی چوارەمی یانەکەی و کۆتایی یارییەکەی تۆمارکرد.
جادۆن سانچۆ بە تۆمارکردنی ئەم دوو گۆڵە، ژمارەی گۆڵەکانی گەیاندە 6 گۆڵ و بووە گۆڵکاری جامی ئەڵمانیا.
بەم بردنەوەیە بۆرووسیا دۆرتموند بۆ جاری پێنجەم لە مێژوویدا بووە پاڵەوانی جامی ئەڵمانیا و لە یاری سووپەری ئەڵمانیادا بەرامبەر بایرن میونشنی پاڵەوانی خولی یاریدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ