وێنە؛ جیرارد پیکێ بووە خاوەنی یانەیەک و بە میدیاکانی ناساند
رووداو - هەولێر
جیرارد پیکێ، بەرگریکەری یانەی بارسێلۆنا بەفەرمی بووە خاوەنی یانەیەک و ئەمڕۆش لە کۆنگرەیەکی رۆژنامەڤانیدا یانەکەی ناساند.
پیکێ لە ئاندۆرا، بە سپۆنسەری کۆمپانیای کۆسمۆس هۆڵدینگ کە خۆی دامەزرێنەر و خاوەنی کۆمپانیاکەشە، یانە نوێیەکەی بەناوی ئاندۆرا ئێف سی بە میدیاکان ناساند.
بەرگریکەرەکەی بارسێلۆنا لە کۆنگرە رۆژنامەڤانییەکەدا، لەگەڵ بەرپرسانی یانەکەی بەدڵخۆشییەوە دەرکەوتن و درێسی یانەکەیان بە مێدیاکان ناساند، کە درێسەکەی دەچێتەوە سەر درێسی هەڵبژاردەی کەتەلۆنیا.
بەهۆی ئەوەی کە جیرارد پیکێ، خاوەنی یانەکەیە 8 یاریزانی ئیسپانی لە یانەکە یارییدەکەن، 12 یاریزانی ئەندۆرا و یاریزانێکی پۆرتوگالیش لە یانەکەدان، پێدەچێت لەچەند ساڵی داهاتووشدا بەهۆی پاڵپشتی گەورەی پیکێ یانەکە ناوبانگێکی زۆر پەیدابکات.
یانەی ئاندۆرا ئێف سی لە ساڵی 1942ـەوە دامەزراوە و کۆمپانیای کۆسمۆس هۆڵدینگ سپۆنسەریی دەکات.