رووداو – هەولێر
لە یاری نێوان ئۆلۆمپیک لیۆن و بێشکتاش لە یۆوروپالیگ، کە لە یاریگای پارک ئۆڵۆمپیک لیۆن لە فەرەنسا بەڕێوەچوو، ئاژاوە لە نێوان هاندەرانی یانەی بێشکتاش و پۆلیس دروست بوو.
رۆژنامەی لیکیپی فەرەنسی بڵاویکردەوە، بەر لە دەستپێکردنی یارییەکە هاندەرانی یانەی بێشکتاش یارییە ئاگرینەکان و تەقەمەنی گازداریان فرێداوەتە نێو هاندەرانی یانەی لیۆن بەو هۆیەوە هاندەرانی لیۆن گومانیان لە هاندەرە تورکەکان کردووەو بەناچاری دابەزیون بۆ نێو لاکێشە سەوزەکەی یاریگە و بەوهۆیەشەوە نزیکە سێ چارەگ یارییەکە دواکەوت.
دواتر پۆلیسی یاریگە هەوڵی ئارامکردنەوەی بارودۆخەکەیدا، بەڵام چەند هاندەرێک رووبەڕووی پۆلیس بوونەوەو بەوهۆیەشەوە چەندین هاندەر و پۆلیس برینداربوون، دواتر پۆلیس ئارامی بۆ نێو یاریگە گەڕاندەوە بە دەرکردنی هاندەرە ئاژاوەگێڕەکان، بەڵام ئەو هاندەرانە جارێکی دیکە لە دەروەی یاریگە هێڕشیان کردەوە سەر پۆلیس و ئاژاوەیان نایەوەو دواتر پۆلیس بارودۆخەکەی کۆنتڕۆل کردەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ