ئایاکس
رووداو دیجیتاڵ
یانەی ئایاکس لەسەر ئەنجامە باشەکانی بەردەوامە و بەسەرکردایەتی سێباستیان هالەر بردنەوەیەکی گەورەی بەرامبەر یانەی تڤێنتی بەدەستهێنا.
یارییەکە لە رکابەرییەکانی گەڕی 22ـی خولی هۆڵەندا لەسەر یاریگەی یۆهان کرۆیف ئارێنا بەڕێوەچوو و ئایاکس بە پێنج گۆڵی بێبەرامبەر یارییەکەی بردەوە.
لە خولەکی 31 داڤی کلاسین بە ئاسیستی هالەر گۆڵی پێشکەوتنی تۆمارکرد، پاشان هالەر لە نیوەی دووەمدا دەرکەوت و لە خولەکی 53 گۆڵی دووەمی یانەکەی تۆمارکرد.
لە خولەکی 77 رۆبن برۆبێر بەهەڵە گۆڵی سێیەمی ئایاکسی لە خۆیان تۆمارکردەوە، دوای ئەوەش سێباستیان هالەر، دوو گۆڵی دیکەی لە یارییەکەدا تۆمارکرد و بووە خاوەنی هاتریک و ژمارەی گۆڵەکانیشی لەم وەرزەی خولی هۆڵەندادا بۆ 16 گۆڵ لە پێشەنگی گۆڵکاران بەرزکردەوە.
بەبردنەوەی یارییەکە ئایاکس جێگەی خۆی لە پێشەنگی ریزبەندی خولەکە بەهێزکرد و بووە خاوەنی 54 خاڵ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ