رووداو - هەولێر
یانەی ئەیاکس نزیکە لە یەکلاکردنەوەی نازناوی خولی هۆڵەندا، دوای ئەوەی لە یانەی ئۆتریختی بردەوە و یانەی ئایندهۆڤنی رکابەریشی لەم گەڕەدا تووشی شکستبوو.
گەڕێک پێشکۆتاییهاتنی خولەکە ئەیاکس لە یۆهان کرۆیف ئارێنا بە چوار گۆڵ بەرامبەر بە گۆڵێک شکستی بە یانەی ئۆتریخت هێنا و نازناوی ئەم وەرزەی خولەکەی یەکلاکردەوە.
لەگەڵ دەستپێک و دوای تێپەڕینی 36 چرکە عوسمان بوسەعید گۆڵی یەکەمی یانەی میوانی تۆمارکرد، دواتر هەر لەم گێمەدا و لە خولەکەکانی 14 و 45 دۆنی ڤان دی بێک و کلاس یان هۆنتێلار دوو گۆڵیان بۆ ئەیاکس تۆمارکرد و یانەکەیان پێشخست.
لە گێمی دووەمیشدا ئەیاکس دوو جاری دیکە تۆڕی یانەی رکابەری لە خولەکەکانی 75 و 80دا لە رێگەی دوشان تادیچەوە هەژاند کە ئەوەی دووەمیان بە لێدانی سزا بوو.
ئەیاکس لەم گەڕەدا سوودی لە شکستی ئایندهۆڤنی رکابەری وەرگرت و ئێستا یانەکە بە شێوەیەکی نیمچە فەرمی پاڵەوانە، بەڵام یاری و ئەنجامی فەرمی ماوە بۆ ئەوەی ئەیاکس نازناوی ئەم وەرزەی خولی هۆڵەندا بەرزبکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ