براڤۆ به‌شدار نابێت
رووداو -سلێمانى
كلاودیۆ براڤۆى گۆڵپارێزى هه‌ڵبژارده‌ى چیلى و یانه‌ى بارسێلۆناى ئیسپانى، به هۆى به‌رده‌وامى پێكانه‌ى كه تووشى هاتووه بۆ یارییه‌كه‌ى سبه‌ى به‌رامبه‌ر گرانادا له خولى یانه‌كانى ئیسپانیا به‌شدار نابێت .
سه‌رچاوه‌یه‌كى نزیك له یانه ئیسپانیه‌كه ئاشكرایكردووه، پێكرانه‌كه‌ى كلاودیۆ درێژه‌ى كێشاوه‌و بۆ ئه‌و مه‌به‌سته‌ش ئینرێكى راهێنه‌ر بریاریداوه شتیگن بخاته شوێنى .
له میانى گه‌ڕى 36ـى خولى یانه‌كانى ئیسپانیا، له خوله‌كى 88ـى یارییه‌كه، لویس ئینرێكى راهێنه‌رى بارسا ئه‌ندریا تیر شتیگنى خسته شوێنى براڤۆ پاش ئه‌وه‌ى گۆڵپارێزه چیلیه‌كه داواى دانیشتنى كرد .
سبه‌ى شه‌ممه له گه‌ڕى 38ـى خولى یانه‌كانى ئیسپانیا، بارسێلۆنا به‌رامبه‌ر گرانادا ده‌وه‌ستێته‌وه‌و بردنه‌وه‌ى له‌و یارییه به شێوه‌یه‌كى راسته‌وخۆ ده‌یكاته پاڵه‌وانى ئه‌م وه‌رزه‌ى خوله‌كه .