رووداو - هەولێر
یانەی مانچێستەر یونایتد بەشێوەیەکی کاتی پلەی پێنجەمی ریزبەندی پرێمەرلیگی لە یانەی ئارسیناڵ وەرگرت، دوای ئەوەی بەزەحمەت لە یانەی وێستهامی بردەوە.
رێد دیڤڵز لەنێو یاریگە و هاندەرانی بەرامبەر یانەی وێستهام یارییکرد، یارییەکەی بە دوو لێدانی سزا لە بەرژەوەندی خۆی یەکلاییکردەوە.
لە خولەکی 19 پۆڵ پۆگبا بەلێدانی سزا خاوەن یاریگەی پێشخست، دوای ئەوە لە خولەکی 49 فیلیپی ئاندێرسۆنی بەرازیلی ئەنجامەکەی بۆ وێستهام یەکسانکردەوە.
لە خولەکی 80 جارێکی دیکە لێدانێکی سزا بۆ مان یونایتد هەژمارکرا، ئەمجارەش پۆڵ پۆگبا سەرکەوتووانە جێبەجێیکرد و گۆڵی دووەم و یەکلاییکردنەوەی یارییەکەی بۆ یانەکەی تۆمارکرد.
بەم بردنەوەیە مانچێستەر یونایتد بووە خاوەنی 64 خاڵ و بەشێوەیەکی کاتی بۆ پلەی پێنجەمی ریزبەندی خولەکە سەرکەوت، یانەی وێستهامیش خاوەنی 42 خاڵە و بەشێوەیەکی کاتی لە پلەی یازدەیەمە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ