رووسییەکان گرێبەست لەگەڵ خولی لالیگا دەکەن
رووداو - مۆسکۆ
کۆمپانیای وەرزشیی فۆنبێتی رووسیی و لالیگای ئیسپانی کۆمەڵێک گرێبەستیی وەرزشییان واژۆکردن، ئەوەش بەمەبستی دروستکردنی هاریکاریی و هەمانگیی لەنێوانیاندا.
لەمەودوا ریکلامەکانی کۆمپانیا رووسییەکە لەسەر شاشەی ناو یارییەکانی لالیگای ئیسپانی پەخشدەکرێن، هەروەها یارییەکانی لالیگا بەشێوەیەکی فراوانتر لە رووسیا پەخشدەکرێن.
جیاواز لە زۆربەی وڵاتانی دیکەی جیهان لە رووسیا هاندەرانی وەرزشەکانی دیکە زیاترن لە هاندەرانی تۆپی پێ، ئەوەش بەدیدی زۆر لەچاودێرانی وەرزشی هۆکارەکەی ئەوەیە کە تاوەکو مۆندیالی 2018 هەڵبژاردەی تۆپی پێی رووسیا ئاستی وای پێشکەشنەکردووە کە تۆپی پێ لای جەماوەری رووسیا خۆشەویست بکات.