یارییەکان
رووداو - هەولێر
جیاواز لە ساڵانی رابردوو، ئەمساڵ یاریی کۆتایی پاڵەوانێتیی کراوەی ئەمریکا بۆ تێنس لە نێوان هەردوو یاریزان ئەلێکساندەر زڤێرێڤی ئەڵمانی و دۆمینیک تیمی نەمساییدا دەبێت.
لە یاریی پێشکۆتاییدا، ئەلێکساندەر زڤێرێڤ رووبەڕووی پابلۆ کارینۆ بوستا بووەوە و یارییەکەی بە ئەنجامی سێ کۆمەڵە بەرامبەر بە دوو کۆمەڵە لێبردەوە.
زڤێرێڤ دوو کۆمەڵەی یەکەمی دۆڕاند، بەڵام لە کۆتاییدا ریمۆنتادای کرد و سێ کۆمەڵەی لەسەریەک بردەوە.
لە یارییەکی دیکەدا دۆمینیک تیمی نەمسایی شکستی بە مێدڤیدێڤی رووسی هێنا.
زڤێرێڤ یارییەکەی بە ئاسانی و بە ئەنجامی سێ کۆمەڵەی بێ وەڵام بردەوە، ئەنجامەکانیش شەش دوو، حەوت شەش و حەوت شەش بوون.
یاریی کۆتایی پاڵەوانێتیی تێنسی کراوەی ئەمریکا لە رۆژی یەکشەممە دەکرێت، کە ئەمە یەکەمجارە ئەم دوو یاریزانە دەگەنە فایناڵی پاڵەوانێتییەکە و پێشتر ئەزموونیان لەگەڵ کراوەی ئەمریکا نییە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ