رووداو - هەولێر
بەشێوەیەکی فەرمی یانەی ریال سۆسیدادی ئیسپانی لەسەر گواستنەوەی عەدنان یانوزای، یاریزانی بەلجیکی لەگەڵ یانەی مانچێستەر یونایتد گەیشتە رێککەوتن.
تۆڕی هەواڵی بی بی سی بەریتانی رایگەیاندووە، یاریزانە 22 ساڵییەکە بەرامبەر 9.8 ملیۆن پاوەند لە رێد دیڤڵزەوە پەیوەندی بە یانە ئیسپانییەکە دەکات، دوای ئەوەی لە ساڵی 2013ەوە لە یانەکانی بۆرووسیا دۆرتموند و ساندێرلاند بەشێوەی خواستن یارییدەکات.
Manchester United have agreed a deal with Real Sociedad for Adnan Januzaj.
— BBC Sport (@BBCSport) July 12, 2017
Full story: https://t.co/KdzZMYAJa2 pic.twitter.com/E06EzI8xTj
یانوزای لە ساڵی 2011 لە یانەی ئاندەرلێختی بەلجیکی پەیوەندیی بە ریزەکانی مانچێستەر یونایتدی کرد و درێسی ژمارە 11ی رایان گیگز، ئەستێرەی پێشووی یانەکەی پێدرابوو، هەرچەند گرێبەستەکەی بۆ 5 ساڵ بوو، بەڵام پێش ئەوەی گرێبەستەکەی تەواوبێت یاریزانەکە ریزەکانی مانچێستەر یونایتدی بەجێهێشت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ