رووداو - هەولێر
تۆماس مولەری ئەڵمانی و یاریزانی یانەی بایرن میونشن ئاشکرایکردووە، پەیوەندییەکی باشی لەگەڵ لویس ڤان خاڵی راهێنەری یانەی مانچێستەر یونایتدی ئینگلیزی هەیە.
مولەر لە لێدوانێکیدا بە رۆژنامەی ئێندێپێندێنتی بەریتانی رایگەیاندووە، پەیوەندی من لەگەڵ ڤان خاڵ شتێکی شاراوە نییە و من دڵخۆشم بەو پەیوەندییە باشەی کە هەمانە و شتێکی ئاسایشە یاریزانان و راهێنەران پەیوەندییان هەبێت.
لەبارەی دەنگۆی پەیوەندیکردنیشی بە مانچێستەر یونایتد مولەر گوتی، من پابەندی گرێبەستەکەمم لەگەڵ یانەکەم کە لەساڵی 2017 کۆتایی دێت.
ئەمە لەکاتێدا کە پێشتریش لویس ڤان خاڵ داوای مولەی کردووە و دەیەوێت ئەو یاریزانە بباتە ریزەکانی.
تۆماس مولەری 26 ساڵ بەشداری لە 45 یاریکردووە و 20 گۆڵیشی لەم وەرزەدا بۆ بایرن میونشن تۆمارکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ