قۆناخی پێشکۆتایی جامی شای ئیسپانیا بەڕێوەدەچێت
رووداو - هەولێر
یارییەکانی قۆناخی پێشکۆتایی جامی شای ئیسپانیا بەئەنجامدانی یارییەک دەستپێدەکەن، ئەمشەو هەردوو یانەی ئاتلێتیک بیلباو و گرانادا رووبەڕووی یەکدەبنەوە.
کاژێر 23:00 لە یاری چوونی پاڵەوانێتییەکەدا، یانەی ئاتلێتیک بیلباو دوای کردنە دەرەوەی بارسێلۆنا لە پاڵەوانێتییەکەدا، لەنێو یاریگە و هاندەرانی میوانداری گرانادا دەکات و دەیەوێت درێژە بە ئەنجامە باشەکانی بدات، لە رکابەرییەکانی کۆپا دێل رێیدا.
یاریی گەڕانەوەی نێوان هەردوو یانە لە 5ـی ئادار دەکرێت و براوەی یارییەکە، لە یاری کۆتایی پاڵەوانێتییەکەدا رکابەری براوەی نێوان هەردوو یانەی ریال سۆسیداد و میراندێز دەکات، کە سبەی یاری نێوانیان دەکرێت.