رۆناڵدۆ باڵۆن دۆرێکی فرۆشت و کڕیارەکەی جیهان سەرسام دەکات

 

رۆژنامەی میرەری بەریتانی بڵاویکردەوە، کریستیانۆ رۆناڵدۆ، ئەو تۆپە ئاڵتۆنییەی لە ساڵی 2013 بەدەستیهێناوە، بۆ باشترین یاریزانی جیهان بەرامبەر 600 هەزار یۆرۆ فرۆشتووە و پارەکە دەداتە رێکخراوی ( The Make A Wish Foundation) کە رێکخراوێکە هاوکاریی ئەو منداڵە نەخۆشخانە دەکات کە لەژێر هەڕەشەی نەخۆشی مەترسیداردان.

بەپێی زانیارییەکان وادەی فرۆشتنی ئەو باڵۆن دۆرەی دەگەڕێتەوە بۆ ساڵی 2017 و لەکاتی فرۆشتنیدا رۆناڵدۆی خۆی ئامادەنەبووە و خۆرخی مێندێز چووە بۆ بینینی ئەو کەسایەتییە دەوڵەمەندەی ئیسرائیل.

 

کریستیانۆ رۆناڵدۆ لە ساڵی 2013 خەڵاتی باشترین یاریزانی جیهانی لە کاروانی یارییکردنی خۆیدا بردووەتەوە، کە ئەوە دووەمجاریبوو خەڵاتەکە بەدەستبهێنێت، دوای ئەوەش لە ساڵەکانی 2014-2016 و 2017 خەڵاتەکەی بردەوە کە 5 جار لە کاروانی یارییکردنی خۆیدا ئەو خەڵاتەی بەدەستهێناوە.

 

لەو ساڵەدا کە رۆناڵدۆ خەڵاتەکەی بردەوە، رکابەریی هەریەکە لە لیۆنێل مێسی و فرانک رێبێریی دەکرد، ئەستێرەی پۆرتوگالییەکە 27.99٪ـی دەنگەکانی بەدەستهێنا و وەک باشترین یاریزانی جیهان خەڵاتکرا.