رووداو دیجیتاڵ
یانەیەکی سعودی بۆ گواستنەوەی یاریزانێکی هەڵبژاردەی عێراق و یانەی قوە جەوییە هاتووەتە سەرهێڵ و دەیەوێت یاریزانەکە بباتە ریزەکانی.
بەپێی هەواڵی میدیای سعودیە و عێراق، یانەی ئەحدی سعودی، دەستەوارەیەکی پێشکێشی ئیبراهیم بایش، ئەستێرەی هەڵبژاردەی عێراق و یانەی قوە جەوییە کردووە، بۆ ئەوەی پەیوەندی بە ریزەکانی یانەکەوە بکات و وەرزی داهاتوو بەدرێسی ئەو یانەیەوە یاریی بکات.
بەپێی زانیارییەکان ئەو دەستەوارەیەی یانەی ئەحد پێشکێشی ئیبراهیم بایش، یاریزانی یانەی جەوییەی کردووە نرخەکەی دەگایە 300 هەزار دۆلار و دەستەوارەکە بۆ یەک وەرزە.
ئیبراهیم بایش لە جامی کەنداوی 25 رۆڵی گەورەی بینی بۆ بردنەوەی نازناوی پاڵەوانێتییەکە لەلایەن هەڵبژاردەی عێراق و دوای ئەوەش بەباشترین یاریزانی پاڵەوانێتییەکە دەستنیشانکرا.
یانەی ئەحد لە خولی پلە یەکی سعودیە یارییدەکات و وەرزی رابردوو لە پلەی نۆیەم بوو و زەکەریا رەمەزانی مەسەدۆنیا باکوور راهێنەری یانەکەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ