ئەمڕۆ ئامەدسپۆر ئاهەنگ دەگێڕێت

 

ئاهەنگەکە کاژێر 17:00ـی ئەمڕۆ شەممە، 11ـی ئایاری 2024، لە یاریگەی (دیاربەکر) دەکرێت و بەشداریکردن بێ بەرامبەرە. لە یاریگەکەدا شوێنی 33 هەزار کەس کراوەتەوە و فڕۆکەخانەی ئامەد لە بەیانی ئەمڕۆوە بەردەوام لە دەرەوەی تورکیا میوانی بۆ دێت. 

 

بەگوێرەی بەرنامەی ئاهەنگەکە؛ سەرەتا سەرۆک و دەستەی کارگێڕی و یاریزانانی یانەی ئامەد سپۆر، جامی سەرکەوتنی پاڵەوانێتییەکە لەنێو جەماوەر و هاندەرانیان بەرز دەکەنەوە. سەرۆکی یانە و چەند یاریزانێک گوتار پێشکێش دەکەن و پەیامی پیرۆزبایی لایەنی فەرمی، حیزبەکان و رێکخراوەکانی کۆمەڵگەی مەدەنی دەخوێندرێتەوە. 

 

هەر یەک لە هونەرمەندانی کورد؛ خەیرۆ عەباس، ئازاد بەدران، پەروین چاکار، باژار، هێلیم ئۆمەری، شیار بەرواری، دی جەی رەمەزان کاراکاش و ژەهرمار گۆرانی دەڵێن.

 

ئامەدسپۆر کە نوێنەرایەتیی شاری ئامەد دەکات لە هەفتەی 34ی خولی یانە پلەدووەکانی تورکیا لە دەرەوەی یاریگای خۆیدا بە ئەنجامی 1-0 لە یانەی سۆماسپۆری خانەخوێی بردەوە و بەر لە تەواوبوونی یارییەکانی خولەکە بووە پاڵەوانی خولەکە.