پەیامی ریال مەدرید و رۆناڵدۆ بۆ ماڵئاواییکردن لە نادال

 

 

یانەی ریال مەدرید لە پەیامەکەیدا نووسیوویەتی "ریال مەدرید و سەرۆکی ئەنجوومەنی کارگێڕیی یانەکە دەیەوێت سۆز و خۆشەویستی خۆی بۆ یەکێک لە گەورەترین ئەفسانەکانی وەرزشی ئیسپانیا و نێودەوڵەتی لە هەموو سەردەمێکدا پێشانبدات."

 

لۆس بلانکۆس لە بەشێکی دیکەی پەیامەکەیدا دەڵێت "بۆ ئێمە و هەموو هاندەرانی ریال مەدرید، هەمیشە سەرچاوەی شانازی وەکو یەکێک لە ئەندامانی شانازی یانەکەمان، هەروەها ئێمە لە ریال مەدرید سوپاس و پێزانینی خۆمان دەردەبڕین بۆ پشتگیرکردنی ریال مەدرید و بڵاوکردنەوەی بەهاکانی یانەکەمان لەسەر ئاستی هەموو جیهان."

 

لە کۆتایی پەیامەکەیدا ریال مەدرید بۆ نادال نووسیوویەتی "هیوای سەرکەوتن بۆ رافا نادال و ماڵباتەکەی دەخوازین لە قۆناخی نوێی ژیانیدا."

 

نادال پەیوەندییەکی زۆر بەهێزی لەگەڵ یانەی ریال مەدیرد هەیە و یەکێکە لە هاندەرە سەرسەختەکانی یانەکە، پێشتر گوتبووی "دەمەوێت رۆژێک لە رۆژان ببمە سەرۆکی یانەی ریال مەدرید."

 

کریستیانۆ رۆناڵدۆ لە کۆمێنتێکدا لەبارەی وازهێنانی رافایێل نادال، بۆ تێنسزانە ئیسپانییەکەی نووسیووە "رافا، چ پیشەیەکی سەرسوڕهێنەرە، خۆبەخشی، خولیا و بەهرە سەرسوڕهێنەرەکەت ئیلهابەخش بووە بۆ ملیۆنان کەس لە جیهاندا، شایەدی گەشتەکەت بووم و توانیم بە هاوڕێی خۆمت بزانم، ئەمە بۆ من شانازییەکی زۆرە، پیرۆزبایی ئەم کاروانە سەرسوڕهێنەرەت لێدەکەم، چێژ لە وازهێنانەکەت وەربگرە."

 

رافایێل نادال، دوای نیوەڕۆی ئەمڕۆ 10-10-2024 لە پەیامێکی ڤیدیۆییدا دوای 23 ساڵ یارییکردن و بردنەوەی 92 نازناوی جیاواز، بڕیارییدا بەیەکجاری واز لە یارییکردن بهێنێت.