هەڵەیەک روویدا! دووبارە هەوڵبدە
رووداو - ئه‌رسه‌لان عه‌بدوڵڵا
له ئێستاوه مێدیاكانی ئیسپانیا باس له یاریی كلاسیكۆی یه‌كه‌می ئه‌م وه‌رزه ده‌كه‌ن و شڕۆڤه و تێروانینی جیاوازیان بۆی هه‌یه.
رۆژنامه‌ی ماركا ئه‌مڕۆ پێنجشه‌ممه راپۆرتێكی له‌سه‌ر كلاسیكۆی یه‌كه‌می ئه‌م وه‌رزه‌ی نێوان هه‌ردوو یانه‌ی به‌رشلۆنه و ریال مه‌درید بڵاو كرده‌وه، كه له 26ی ئه‌م مانگه له هه‌فته‌ی ده‌یه‌می لالیگا له كامپ نوو ئه‌نجام ده‌درێ.
ئاماژه‌ی به‌وه‌ش داوه، بوونی جیاوازی پێنج خاڵ له نێوان به‌رشه و ریالدا، واده‌كات پاڵه‌په‌ستۆیه‌كی زۆر بكه‌وێته سه‌ر یاریزانانی ریال مه‌درید.
ماركا كه له یانه‌ی ریال مه‌درید نزیكه، پێشبینیی گه‌ڕانه‌وه‌ی هه‌ردوو یاریزان چابێ ئه‌لۆنزۆ و گاریس به‌یڵی كردووه و ئه‌وه‌شی خستۆته ڕوو كه گه‌ڕانه‌وه‌ی به‌یڵ مه‌ترسییه بۆ سه‌ر به‌شداریكردنی بن زیما له یارییه‌كه‌دا.
رۆژنامه ئیسپانییه‌كه هه‌روه‌ها رایگه‌یاندووه كه سێكوچكه‌ی رۆناڵدۆ و به‌یڵ و دی ماریا مه‌ترسییه‌كی گه‌وره بۆ سه‌ر یاریزانانی به‌رشلۆنه دروست ده‌كه‌ن، ئه‌گه‌ر یاریزانانی به‌رشه به شێوازی كلاسیكی خۆیان یاریی بكه‌ن و پانتایی له دوای خۆیان جێبێڵن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ