پێشەنگی خولی رووسیا بەهێزەوە یارییەکەی دەستپێکرد

رووداو - هەولێر 

یانەی زینیت سانپێترسبۆرگی پێشەنگی خولی رووسیا دووچاری یەکەم دۆڕان هات لە وەرزی ئەمساڵدا و بە سێ گۆڵ بەرامبەر گۆڵێک بە یانەی تیریک گرۆزنی دۆڕا.

هەرچەندە زینیت لەسەر یاریگەی خۆی یاریدەکرد، بەڵام ئەو یانەیە کە 7 خاڵ لە نزیکترین رکابەرانییەوە دوور بوو لە پێشەنگی خولەکەدا دووچاری دۆڕانێکی لەناکاو هات.

پێشەنگی خولی رووسیا بەهێزەوە یارییەکەی دەستپێکرد  و هۆلکی هێرشبەری یانەکە هەر زوو مەترسی خستە سەر گۆڵی تیپی بەرامبەر، بەڵام یانەی تیریک دوای تەنیا دە خولەک گۆڵی پێشکەوتنی تۆمارکرد و گۆڵی دووەمی یانەکەش لە خولەکی 55 لە رێگەی ئالیتۆنەوە تۆمارکرا.

دوای شەش خولەک جارێکی دیکە یاریزانانی تیریک گۆڵی سێیەمی یانەکەیان تۆمارکرد و دوا گۆڵی یارییەکەش کە بۆ یانەی زینیت بوو، ئەلیکساندەر رۆسانسیڤی یاریزانی یانەی تیریک گرۆزنی بەهەڵە لە خۆیانی تۆمارکرد و بەوەش یارییەکە بە ئەنجامی سێ گۆڵ بەرامبەر گۆڵێک کۆتاییهات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger