هەڵەیەک روویدا! دووبارە هەوڵبدە
رووداو – هه‌ولێر
یانه‌ی هه‌ولێر گه‌یشته قۆناخی 16ی جامی عێراق و بە زه‌حمه‌ت له یانه‌ی دووزی برده‌وه.
یارییه‌كه ئه‌مڕۆ له قۆناخی 32ی جامی عێراق له یاریگه‌ی كه‌ركووك "یاریگه‌ی كۆمپانیای نه‌وت" كرا و تێیدا هه‌ولێر به زه‌حمه‌ت و به ئه‌نجامی 3-2 گۆڵ یارییه‌كه‌ی برده‌وه.
گۆڵه‌كانی یانه‌ی هه‌ولێر یاریزانان دانا عوسمان، ئاسۆ رۆسته‌م و عه‌لی حوسێن له خوله‌كه‌كانی 71، 78 و 90+4 تۆماریانكرد، گۆڵه‌كانی یانه‌ی دووزیش هه‌ریه‌كه له یاریزانان هاوكار محه‌ممه‌د و حوسێن یاسین له خوله‌كه‌كانی 71 و 88دا تۆماریانكرد.
هه‌ولێر به‌م بردنه‌وه‌یه گه‌یشته قۆناخی 16ی پاڵه‌وانیه‌تییه‌كه و له‌وێشدا به‌رامبه‌ر یانه‌ی نه‌فت یاریی ده‌كات، كه یارییه‌كی به‌هێز ده‌بێت.
یانه‌ی هه‌ولێر دوای ده‌ستله‌كاركێشانه‌وه‌ی ئه‌كره‌م سه‌لمان، ئێستا بێ راهێنه‌ره و له یارییه‌كه‌ی ئه‌مڕۆشدا ته‌ها قادر یاریده‌ده‌ری راهێنه‌ر سه‌رپه‌رشتی تیپه‌كه‌ی كرد و توانی بردنه‌وه‌ش بۆ هه‌ولێر مسۆگه‌ربكات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ