سەرنجڕاکێشترین ژمارەکانی جامی سوپەری ئەوروپا
رووداو - هەولێر
دوای چەند کاژێرێکی دیکە هەردوو یانەی ریال مەدرید و سیڤییا لە یاری جامی سوپەری ئەوروپادا رووبەڕووی یەکدەبنەوە و پاڵەوانێتییەکە دەکەنە دەستپێکی رکابەرییەکان لە وەرزی نوێی خولەکانی ئەوروپا.
یارییەکە کاژێر 21:45 لەسەر یاریگەی لینکردال لەشاری تروندهایم لە نەرویج بەڕێوەدەچێت.
بەگەڕانەوە بۆ مێژوو هەردوو یانە یاری کۆتایی ساڵی 2014 دووبارە دەکەنەوە کە ریال مەدرید بە 2-0 یارییەکەی بردەوە و نازناوەکەی بەدەستهێنا.
ئەمەش چەندین ژمارەی پاڵەوانێتییەکەن
1- جامی سوپەری ئەوروپا لە ساڵی 1972 سەری هەڵداوە و یانەی ئەیاکس ئەمسترادامی هۆڵەندی یەکەم نازناوی بەدەستهێناوە.
2- هەردوو یانەی بارسێلۆنای ئیسپانی و ئەیسی میلانی ئیتاڵی زۆرترین نازناویان بردووەتەوە کە 5 نازناوە.
3- هەردوو یانەی ریال مەدرید و سیڤییا پێنج جار گەیشتوونەتە یارییەکە و سیڤییا تەنیا یەکجار کە ساڵی 2006 و ریال مەدریدیش دووجار لە ساڵی 2002 و 2014 نازناوەکەیان بردووەتەوە.
4- یانەیه بارسێلۆنا زۆرترین جار بەشداریی لە یارییەکەدا کردووە بە 9 جار و پێنج جار لە ساڵەکانی 1992-1997-2009-2011-2015 نازناوەکەی بەدەستهێناوە و.
5- نۆتینگهام فۆرێست و ئاستۆن ڤێلا تاکە دوو یانەی ئینگلیزین بەشداریان لە یارییەکەدا کردووە و نۆتینگهام لە 1979 و ئاستۆن ڤێلاش لە 1982 نازناوەکەیان بەدەستهێناوە.
6- دانی ئەلڤێش لەگەڵ بارسێلۆنا و سیڤییا، پاوڵۆ ماڵدینیش لەگەڵ میلان وەک یاریزان زۆرترین نازناویان بردووەتەوە 4 نازناو.
7- پێپ گواردیۆلا راهێنەری پێشووی بارسێلۆنا، بایرن میونشن و بەڕێوەبەری هونەری ئێستای مانچێستەر سیتی وەک راهێنەر زۆرترین جار نازناوەکەی بردووەتەوە کە 3 جارە.
8- لەمێژووی پاڵەوانێتییەکەدا تەنیا یەک یاریزان 3 گۆڵ واتە هاتریکی تۆمارکردووە ئەویش رادەمێل فاڵکاوی کۆڵۆمبییە کە ساڵی 2012 سێ گۆڵی لە چێڵسی کرد و لەگەڵ ئاتلێتیکۆ مەدرید یارییەکەیان بە 4-1 بردەوە و نازناوەکەیان بەدەستهێنا.
9- لیۆنێل مێسی ئەرجەنتینی یەکەم یاریزانە لە مێژووی یارییەکەدا دوو گۆڵی بەلێدانی راستەوخۆ تۆمارکردبێت، هەردوو گۆڵیشی لە ساڵی 2015 لەبەرامبەر یانەی سیڤییا بووە.
10- هەشت یاریزان سێ گۆڵیان لە پاڵەوانێتییەکەدا هەیە رادەمێل فاڵکاو و لیۆنێل مێسی لەنێو ئەو هەشت یاریزانەدا ئێستا یاریدەکەن.
11- یانە ئیسپانییەکان زۆرترین نازناویان بردووەتەوە کە 10 نازناوە، بارسێلۆنا 5، ریال مەدرید، ڤالێنسیا و ئاتلێتیکۆ مەدرید 2 نازناو و سیڤییاش یەکجار نازناوەکەی بەدەستهێناوە.