رووداو – هەولێر
واندا نارا هاوژین و بەڕێوەبەری کارەکانی ماورۆ ئیکاردی یاریزانی یانەی ئینتەر میلان، رۆیشتنی هاوژینەکەی لە ئینتەر میلان نزیکتر کردەوە.
چەند رۆژێکە یانەی ئینتەر میلان لە هەوڵدایە گرێبەستی ماورۆ ئیکاردی نوێبکاتەوە و چەند دەستەوارەیەکی جیاجیای پێشکەشی ئەو یاریزانە کردووە، بەڵام لە کۆتاییدا ئیکاردی بە هیچ کام لەم گرێبەستانە رازی نەبوو و رەتیکردەوە گرێبەستەکەی لەگەڵ نێرازۆری نوێبکاتەوە.
لەلایەن خۆیەوە واندا نارا کە هاوژین و بەڕێوەبەری کارەکانی ئیکاردییە گووتی، لە ئیسپانیا لەگەڵ دوو یانە پەیوەندییەکی بەهێزمان هەیە، هەروەها یانەیەک لە فەرەنسا و یانەیەکی دیکەش لە ئینگلتەرا داوای ئیکاردی دەکەن.
چەند رۆژێکیشە رۆژنامەکانی ئیسپانیا بڵاویانکردووەتەوە، ریال مەدرید نزیکترین یانەیە لە گرێبەستکردن لەگەڵ ماورۆ ئیکاردی ئەرجەنتینی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ