Photo by ANDER GILLENEA / AFP
رووداو دیجیتاڵ
ریال سۆسیداد نەیهێشت پێشەنگی لالیگا زۆر لای ریال مەدرید بمێنێتەوە و بە بردنەوە لە ئۆساسۆنا گەڕایەوە لووتکەی ریزبەندیی لالیگا.
یانە باسکییەکە، لەسەر یاریگەی ئیل سادار بووە میوانی ئاساسۆنا و بە زەحمەت 2-0 لێیبردەوە.
تیپی خاوەن یاریگە توانی تاوەکو خولەکی 72 خۆڕاگر بێت و ئەنجامەکە بەبێ گۆڵ بهێڵێتەوە، تاوەکو میکێل میرینۆ توانی گۆڵی پێشکەوتن بۆ ریال سۆسیداد تۆماربکات.
لە خولەکی 82 ناوبژیوان لێدانێکی سزای بۆ تیپی میوان هەژمارکرد و عەدنان یانۆزای سەرکەوتووانە جێبەجێیکرد و گۆڵی دووەم و دڵنیایی بۆ یانەکەی باسک تۆمارکرد، یارییەکە بەو ئەنجامە کۆتاییهات.
ریال سۆسیداد ژمارەی خاڵەکانی گەیاندە 28 خاڵ و گەڕایەوە پێشەنگی ریزبەندیی، ئۆساسۆناش کە ئەمە دووەم دۆڕانی بوو بەسەریەکەوە، 19 خاڵی هەیە و پلەی حەوتەمی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ