ڤیدیۆ؛ ئەو مەغریبییەی مێژووییەکی لەبیرنەکراوی لە ئۆڵیمپیاددا تۆمارکرد

 

لە رکابەرییەکانی یارییەکەدا لەسەر ئاستی پیاوان، بەقال بە ئارامییەوە چووە نێو رکابەرییەکە و لە سەرەتای دەستپێکردنی راکردنەکەدا لە ناوەندی ریزبەندەکە بوو، بەڵام چەند سەت مەترێک پێش گەیشتنیان بە خاڵی کۆتایی، راکەرە مەغریبییەکە بازدانەکانی خێراتر کرد و پێش هەموو رکابەرەکانی کەوت.

 

سوفیان بەقال بە 8 خولەک و 6 چرکە و 5 لە بەشی هەزاری چرکە گەیشتە خاڵی کۆتایی و میدالیای زێڕی رکابەرییەکەی لە بەرژەوەندی خۆی یەکلاکردەوە.

 

کینیس روکسی ئەمریکی پلەی دووەم و میدالیای زیوی بردەوە و ئەبراهام کیبیووتی کینیش پلەی سێیەم و میدالیای برۆنزی بەرکەوت.

 

بردنەوەی میدالیای زێڕ باشترین ئەنجامی سوفیان بەقالە لەم وەرزەدا، یاریزانەکە ئەمە دووەم ئۆڵیمپیادە لەسەریەک میدالیای زێڕی ئەم یارییە بباتەوە و بووە سێیەم یاریزان لەسەر ئاستی وڵاتانی عەرەبی لە دوو ئۆڵیمپیادی لەسەریەک میدالیای زێڕی یارییەکەی بباتەوە، دوای هەریەکە لە شام کەروجی هاونیشتمانی و ئوسامە مەلولی تونسی.

 

بەقال ریکۆردێکی مێژوویی تۆمارکرد و بووە یەکەم راکەر دەرەوەی وڵاتی کین لە دوای 1980ـەوە میدالیای زێڕی ئەم یارییە بۆ جاری دووەم لەسەریەک بەدەستبهێنێت.

 

سوفیان بەقال تەمەنی 28 ساڵە، ئەمە دووەم ئۆڵیمپیادە بەشداری دەکات و لە هەردووکیاندا میدالیای زێڕی بەدەستهێناوە، لە پاڵەوانێتیی جیهاندا لە هەردوو ساڵی 2022 لە ئەمریکا لە 2023 لە هەنگاریا میدالیای زێڕی بردووەتەوە.