رووداو ـ هه‌ولێر
یاری كردنه‌وه‌ی گه‌ڕی 16ی لالیگا به یه‌كسانبوونێكی سپی كۆتاییهات، كه له نێوان ڤیاڕیال و ئاتلێتیكۆ مه‌درید بوو، ئه‌مڕۆ له درێژه‌ی یارییه‌كانی ئه‌و گه‌ڕدا 4 یاری دیكه به‌ڕێوه‌ده‌چن.
یه‌كه‌م یاری ئه‌مڕۆ له‌نێو یاریگه‌ی سانتیاگۆ برنابیۆ ده‌بێت له مه‌درید، كاتێك یانه‌ی ریال مه‌درید میوانداری ئیسپانیۆل ده‌كات و ناوبژیوان كاژێر 15:00 به كاتی باشووری كوردستان فیكه‌ی ده‌ستپێكردنی یارییه‌كه لێده‌دات.
دوایین یاری ئه‌مڕۆی لالیگاش كاژێر 23:00 له‌نێو كامپ نودا به‌ڕێوه‌ده‌چێت، كاتێك بارسێلۆنای پێشه‌نگ میوانداری مایۆركا ده‌كات. بارسا نایه‌وێ هیچ هه‌ڵه‌یه‌ك بكات و پێشه‌نگی له‌ده‌ستبدات، ریال مه‌درید به‌هه‌مانشێوه نایه‌وێ به‌ر له كلاسیكۆ هیچ خاڵێك له‌ده‌ستبدات.
خشته‌ی یارییه‌كانی ئه‌مڕۆ:
ریال مه‌درید ـ ئیسپانیۆل 15:00
گرانادا ـ دیپۆرتیڤۆ ئالاڤێس 18:00
لێڤانتی ـ ڤالێنسیا 20:30
بارسێلۆنا ـ مایۆركا 23:00
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ