رووداو دیجیتاڵ
دوای 9 ساڵ لە بەجێهێشتی یانەی بۆرووسیا دۆرتموند، ئەمڕۆ جارێکی دیکە یۆرگن کڵۆپ دەگەڕێتەوە ئەو یانەیە و دەبێتەوە راهێنەری یانەکە.
کڵۆپ لەنێوان 2008 و 2014 راهێنەرایەتی یانەی بۆرووسیا دۆرتموندی کرد و لەگەڵ ئەو یانەیە مێژوویەکی گەورەی تۆمارکرد و دوای ئەوە چووە یانەی لیڤەرپوول و لەگەڵ کۆتاییهاتنی وەرزی رابردوو یانە ئینگلیزییەکەی بەجێهێشت.
گەڕانەوەی راهێنەرە ئەڵمانییەکە بۆ بۆرووسیا دۆرتموند بۆ بۆنەیەکی تایبەتە و لە یارییەکی نمایشکاریدا دەبێتەوە راهێنەری ئەو یانەیە.
دۆرتموند ئەمڕۆ یارییەک بۆ رێزلێنان لە هەریەکە لە لوکاس پیسچیک و یاکۆب بلاسچیکۆڤێسکی، ئەستێرەکانی پێشووی یانەکە رێکدەخات و یۆرگن کڵۆپ، راهێنەرایەتی یانەکە دەکات و چەند ئەستێرەیەکیش بەشداردەبن و ئەگەری هەیە نوری شاهین، راهێنەری ئێستای یانەکەش یاری بکات.
کڵۆپ دڵخۆشی خۆی بە گەڕانەوە بۆ دۆرتموند پێشاندا و گوتی "بەڕاستی چاوەڕێی ئەوەم و کاتم بۆی دەبێت."
یۆرگن کڵۆپ، لە 319 یارییدا راهێنەرایەتی دۆرتموندی کردووە 180 یاریی بردووەتەوە و رێژەی سەرکەوتنەکانی 56.4% بووە.
بۆرووسیا لەژێر سەرپەرشتی راهێنەرە ئەڵمانیاکە دووجار بوندێسلیگا و دوو جاریش نازناوی جامی ئەڵمانیای بەدەستهێناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ