ئه‌مڕۆ پاڵەوانێتی باسکەی یانەکانی عێراق له سلێمانى ده‌ستپێده‌كات
رووداو -سلێمانى
بریاره ئه‌مڕۆ پێنجشه‌ممه له هۆڵى یانه‌ى پێشمه‌رگه‌ى شارى سلێمانى یارییه‌كانى پاڵەوانێتی باسکەی یانەکانی عێراق بۆ كچان ده‌ستپێبكات .
پاڵەوانێتی باسکەی یانەکانی عێراق به به‌شدارى شه‌ش یانه ده‌بێت به‌سه‌ر دوو كۆمه‌ڵه دابه‌شكراون و رۆژانه‌ش له قۆناخى كۆمه‌ڵه‌كان سێ یاریى به‌رێوه‌ده‌چێت .
بریاره پاش قۆناخى كۆمه‌ڵه‌كان له چوارگۆشه‌ى زێڕینى خوله‌كه یه‌كه‌م و دووه‌مى هه‌ردوو كۆمه‌ڵه‌كه به شێوه‌ى خول به‌رامبه‌ر یه‌ك بوه‌ستنه‌وه‌و ئه‌و تیپه‌ى زۆرترین خاڵى كۆكرده‌وه ده‌بێته پاڵه‌وانى خوله‌كه .