یانەی بارسێلۆنا بە یاریزانێکیی گوتووە یانەیەک بۆ خۆت بدۆزەرەوە

 

 

راپۆرتە رۆژنامەڤانییەکانی ئیسپانیا دەڵێن "چاڤی هێرناندێز لە وەرزی داهاتوودا پشت بە تواناکانی فرانک کیسێ، یاریزانی کۆتدیڤواری نابەستێت و ئەو یاریزانە لە دەرەوەی پلانەکانی راهێنەرە ئیسپانییەکەدایە."

 

فرانک کیسێ لە یانەی میلانەوە بە گرێبەستێکی بێبەرامبەر پەیوەندیی بە ریزەکانی یانەی بارسێلۆناوە کرد، بەڵام لەگەڵ یانەکە سەرکەوتوو نەبوو و زۆرینەی کاتەکان لەسەر کورسیی یەدەگ بووە.

 

رۆژنامەی ئەی ئێسی ئیسپانی دەڵێت "چاڤی لەگەڵ یاریزانەکە کۆبووەتەوە و پێی راگەیاندووە، بۆ هاوکارییکردنی بارودۆخی دارایی یانەکە ناچارە دەستبەرداری ببێت."

 

کیسێ تاوەکو ئێستا هیچ دەستەوارەیەکی پێشکێش نەکراوە، بەڵام یانەکانی ئینتەرمیلان، لیڤەرپوول و تۆتێنهام گرنگی بەتواناکانی یاریزانەکە دەدەن.

 

بارسێلۆنا دەیەوێت بەرامبەر 35 ملیۆن یۆرۆ دەستبەرداری یاریزانەکە ببێت، لەکاتێکدا گرێبەستەکەی لە 2026 کۆتاییدێت و ئێستا نرخەکەی لە بازاڕدا 28 ملیۆن یۆرۆیە.