پێكهاته‌ی هه‌ڵبژارده‌ی عێراق بۆ یاریی سبه‌ی ئاشكراكرا
رووداو – هه‌ولێر
سبه‌ی هه‌ڵبژارده‌ی عێراق یه‌كه‌م یاریی خۆی له جامی ئاسیا ئه‌نجامده‌دات و راهێنه‌ری هه‌ڵبژارده‌كه‌ش له ئێستاوه پێكهاته‌ی سه‌ره‌كی تیپه‌كه‌ی ئاشكراكرد.
سبه‌ی كاژێر 16:30 هه‌ڵبژارده‌ی عێراق له كۆمه‌ڵه‌ی چواره‌می جامی وڵاتانی ئاسیا به‌رامبه‌ر هه‌ڵبژارده‌ی ڤێتنام یاریی ده‌كات.
ستریچكۆ كاتانیچی راهێنه‌ری سلۆڤینیی هه‌ڵبژارده‌ی عێراق پێكهاته‌ی سه‌ره‌كی و پلانی یاریكردنی تیپه‌كه‌ی بۆ یارییه‌كه راگه‌یاند.
پێكهاته‌ی عێراق به پلانی 3-4-3 یاریی ده‌كات، كه به‌مشێوه‌یه‌یه:
گۆڵپارێز: جه‌لال حه‌سه‌ن
به‌رگری: فیراس زیا، ئه‌حمه‌د ئیبراهیم و عه‌لی فائیز.
ناوه‌ڕاست: عه‌لی عه‌دنان، وه‌لید سالم، سه‌فا هادی و ئوسامه ره‌شید.
هێرشبردن: حوسێن عه‌لی، موهه‌ننه‌د عه‌لی و ئه‌حمه‌د یاسین.
عێراق له كۆمه‌ڵه‌ی چواره‌م یاریی ده‌كات له ته‌ك هه‌ڵبژارده‌كانی ئێران، ڤێتنام و یه‌مه‌ن.