رووداو - هەولێر
دادگای یەکگرتووی سویسرا، بەفەرمی داوای میشێل پلاتینی، سەرۆکی پێشووی فیدراسیۆنی تۆپی پێی ئەوروپای بۆ کەمکردنەوەی سزایەکەی کە بۆ ماوەی 4 ساڵ بەهۆی گەندەڵییەوە سڕکراوە رەتکردەوە.
ئەمڕۆ پێنجشەممە دادگا وەڵامی داواکارییەکەی ئەو یاریزانەی پێشووی هەڵبژاردەی فەرەنسا و سەرۆکی پێشووی یوێفای دایەوە و رەتیکردەوە سزای سەری کەمبکاتەوە.
دوای ئەوەی هەریەکە لە میشێل پلاتینی و جۆزێف سیپ بلاتەر، سەرۆکی پێشووی فیفا بەهۆی گەندەڵییەوە بۆ شەش ساڵ لە هەموو چالاکییەک سڕکران، دواتر سزایەکەیان بۆ 4 ساڵ کەمکرایەوە، ئێستاش پلاتینی لە هەوڵدایە ئەو سزایەشی بۆ کەمبکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ