تسیتسیپاس نازناوی ئیشتۆرێلی بەدەستهێنا
رووداو – هەولێر
ستیڤانۆس تسیتسیپاسی تێنسزانی یۆنانی بە بردنەوەی لە پابلۆ کوێڤاسی تێنسزانی ئۆرۆگوایی نازناوی تێنسی ئیشتۆرێلی بەدەستهێنا.
لە فایناڵێ پاڵەوانێتییەکەدا هەردوو تێنسزانەکە رووبەڕووی یەکدی بوونەوە و ستیڤانۆس یارییەکەی بە ئەنجامی دوو کۆمەڵەی بێوەڵام بردەوە.
ئەنجامی هەردوو کۆمەڵەکەش 6-3 و 7-6 بوون.
ئەم نازناوە یەکەم نازناوی فەرمی تسیتسیپاس بوو لە یاریگا گڵییەکاندا، دووەم نازناویشی بوو لە ساڵی 2019دا و سێیەم نازناو بوو لە کاروانی وەرزشیدا