ئەنجامی تیروپشکی مۆندیالی یانەکان

 

 

بە ئامادەبوونی جیانی ئینفانتینۆ، سەرۆکی فیدراسیۆنی تۆپی پێی جیهان، وەزیری وەرزشی سعودیە و بەرپرسانی سەرجەم یانە بەشدارەکانی پاڵەوانێتییەکە، تیروپشکی جامی جیهانی یانەکان راکێشرا، کە رکابەرییەکانی لە 12-12 تاوەکو 22-12-2023 لە سعودیە بەڕێوەدەچن.

 

یەکەم یاریی پاڵەوانێتییەکە لەنێوان یانەی ئیتیحادی سعودی، پاڵەوانی وەرزی رابردووی خولی سعودیە و میوانداری پاڵەوانێتییەکە و یانەی ئۆکلاند سیتی نیوزیلەندی دەبێت.

 

لە قۆناخی دووەمدا براوەی ئەو یارییە بەرامبەر یانەی ئەهلی میسری و پاڵەوانی ئەفریقا یارییدەکات.

 

یارییەکەی دیکەی قۆناخی دووەم لەنێوان لیۆنی مەکسیکی و ئۆراوا رێدی ژاپۆنی دەبێت.

 

لە قۆناخی پێشکۆتاییدا براوەی یاریی ئەهلی میسری و یاریی نێوان ئۆکلاند و ئیتیحاد بەرامبەر پاڵەوانی لیبەرتادۆرێس یارییدەکات و یارییەکەی دیکەش لەنێوان براوەی ئۆراوا رێد و لیۆن بەرامبەر مانچێستەر سیتی دەبێت.