هەڵەیەک روویدا! دووبارە هەوڵبدە
رووداو – هه‌ولێر
سه‌رچاوه رۆژنامه‌وانییه‌كان له بریتانیا ئاشكرایانكرد، هه‌فته‌ی داهاتوو سیستمی ناوبژیوانی ڤیدیۆیی "ڤار" له خولی نایابی ئینگلته‌را به‌كارده‌هێنرێت.
دوای به‌كارهێنانی سیستمه‌كه له مۆندیال و به‌شێك له خوله‌كانی ئه‌وروپا، پرێمه‌رلیگی ئینگلته‌را خۆی ئاماده‌ده‌كات بۆ به‌كارهێنانی ڤار.
تۆڕی هه‌واڵی سكای سپۆرتس روونیكرده‌وه، له 15 یاریی ئه‌م وه‌رزه‌ی پرێمه‌رلیگدا سیستمه‌كه تاقیده‌كرێته‌وه، ئه‌مه‌ش وه‌كو ئاماده‌كارییه بۆ ئه‌وه‌ی وه‌رزی داهاتوو به شێوه‌یه‌كی فه‌رمی به‌كاربهێنرێت.
كۆمپانیای به‌رپرس له دابینكردن و به‌كارهێنانی ڤار له‌لای خۆیانه‌وه به دوای باشترین شێوازدا ده‌گه‌ڕێن بۆ ئه‌وه‌ی له وه‌رزی داهاتوودا به شێوه‌یه‌كی سه‌ركه‌وتوو سسیستمه‌كه له پرێمه‌رلیگدا به‌كاربهێنن.
هاوكات ئاماژه به‌وه‌كراوه، له 15ی ئه‌م مانگه و له دوای كۆتاییهاتنی یارییه نێوده‌ڵه‌تییه‌كان، به‌كارهێنانی سیستمه‌كه له پرێمه‌رلیگ تاقیده‌كرێته‌وه بۆ زانینی راده‌ی مامه‌ڵه‌كردنی سیستمه‌كه له‌گه‌ڵ ئه‌و بڕیارانه‌ی، كه له یارییه‌كاندا ده‌درێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ