رووداو - هەولێر
دوای کەمتر لە 24 کاژێر، یانەی ئایندهۆڤن پێشەنگی خولی هۆڵەندای لە یانەی ئایاکس وەرگرتەوە.
ئایندهۆڤن لە گەڕی 28ـی خولی هۆڵەندیدا و لە یاریگای فیلیپسی تایبەت بەخۆی پێشوازی لە زڤولێ کرد و یارییەکەشی بە ئەنجامی چوار گۆڵی بێوەڵام لێبردەوە.
لە گێمی یەکەمدا و لە خولەکی 24 لوک دی یۆنگ گۆڵی یەکەمی یانەی خاوەن یاریگای تۆمارکرد.
لە گێمی دووەمیشدا و لە خولەکی 62 ستیڤن بێرگوین گۆڵی دووەمیشی بۆ ئایندهۆڤن زیادکرد، لە خولەکی 76دا دی یۆنگ گۆڵێکی دیکەشی تۆمارکرد و لە دوایین خولەکەکانی یارییەکەشدا دۆنێل مالین گۆڵی چوارەم و کۆتایی یارییەکەی بۆ ئایندهۆڤن تۆمارکرد.
بەم بردنەوەیە ئایندهۆڤن خاڵەکانی کردە 70 خاڵ و پێشەنگی خولەکەی بە جیاوازی دوو خاڵ لە ئایاکس وەرگرتەوە، زڤولێش لە پلەی 12یە و 32 خاڵی هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ