رووداو - هەولێر
یانەکانی ئەوروپا لە نێوان خۆیاندا رێککەوتوون یاریزانەکان تەوقە لەگەڵ یەکدیدا نەکەن.
بەهۆی تەشەنەکردنی ڤایرۆسی کۆرۆنا، کە بووەتە هۆی دواخستنی بەشێک لە یارییەکان و لەهەندێک یاریشدا یارییەکان بەبێ هاندەر بەڕێوەدەچن، یانەکانی ئەوروپا بڕیاریاندا یاریزانان و ستافی یانەکان تەوقە لەنێوان خۆیاندا نەکەن.
تاوەکو نەمانی مەترسی کۆرۆناش رەنگە تەوقەکردنی پێش یاری و هەروەها دوای یارییەکەش لە نێوان یاریزاناندا نەمێنێت.
یانەی وڵڤەرهامتۆن تەوقەکردن، نان خواردن لە شوێنە گشتییەکان، کۆبوونەوە لە شوێنە گشتییەکان و وێنەگرتن و واژۆیان لەگەڵ هاندەرانیان راگرتووە، بۆرووسیا دۆرتموندیش بە هەمان شێوە ئەم کارانەی کردووە و داواشی لە هاندەران کردووە لە مەشقەکانی یانەکەیان ئامادەنەبن.
پێشتریش ئەم یانانە و یانەکانی ساوسهامتۆن، وێستهام و چەند یانەیەکی دیکەش هەر زوو تەوقەکردنیان لە نێوان یاریزاناندا قەدەخەکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ