ڤیدیۆ؛ گۆڵپارێز گۆڵێکی سەیری لە خۆیان کردەوە

 

 

لە یاریی دێربیی هامبۆرگدا لە رکابەرییەکانی گەڕی پازدەی خولەکەدا، هەردوو یانەی هامبۆرگ و ست پاوڵی رووبەڕووی یەکبوونەوە، لە خولەکی 27 رووداوێکی چاوەڕواننەکراو روویدا، دانیێل هێور فێرناندێز، گۆڵپارێزی یانەی هامبۆرگ دوای گۆڕینەوەی تۆپێک لەگەڵ بەرگریکارانی یانەکەی، بەشێوەیەکی سەیر گۆڵێکی لە خۆیان کردەوە و یانەی میوان بە دوو گۆڵی بێبەرامبەر پێشکەوت.

 

رووداوە کاردانەوەی زۆری لەسەر ئاستی تۆپی پێی ئەڵمانیا و میدیای جیهاندا دروستکرد و هەر زوو ڤیدیۆیەکە لەسەر ئاستی میدیای جیهان بڵاوبووەوە و کاردانەوەی بەدواداهات.

 

دوای ئەو گۆڵە، هامبۆرگ ئەنجامەکەی یەکسانکردەوە و یارییەکە بە دوو گۆڵ بۆ هەرلایەک کۆتاییهات.

 

هێور فێرناندێز، گۆڵپارێزێکی پۆرتوگالییە، تەمەنی 31 ساڵە، لە ساڵی 2019ـەوە لە یانەی هامبۆرگ یاریی دەکات، پێشتر گۆڵپارێزی یانەکانی بۆخوم، پادێربۆرن و دارمشتاد بووە.

 

دوای کۆتاییهاتنی ئەم یارییە ست پاوڵی بە 31 خاڵ لە پێشەنگی ریزبەندی خولی پلە دووی ئەڵمانیایە و هامبۆرگ بە کۆکردنەوەی 28 خاڵ لە پلەی سێیەمە.